Valerii Aeditui
Epigrammata

English

Gellius (19.9.11):
      Dicere cum conor curam tibi, Pamphila, cordis,
      quid mi abs te quaeram, verba labris abeunt,
      per pectus manat subito subido mihi sudor:
      sic tacitus, subidus, dum pudeo, pereo.


Gellius (19.9.12):
      Quid faculam praefers, Phileros, qua est nil opus nobis?
      ibimus sic, lucet pectore flamma satis.
      Istam nam potis est vis saeva extinguere venti
      aut imber caelo candidus praecipitans;
      at contra hunc ignem Veneris, nisi si Venus ipsa,
      nullast quae possit vis alia opprimere.

FORUM ROMANUM